Федоровское мәктәбендә укучыларны милләтләр арасында дус-тату яшәргә өйрәтәләр

2015 елның 5 ноябре, пәнҗешәмбе
Ноябрь башында илебездә һәр елны Халыклар бердәмлеге көне билгеләп үтелә. Ә менә Федоровское урта гомумбелем бирү мәктәбендә әлеге бәйрәмне бишенче ел инде “Дуслык чәчәге” фестивале формасында үткәрәләр.
Мәктәп фойесына килеп керүгә үк, безне төрле халыкларның милли киемнәренә киенгән укучылар каршы алды. Икенче каттагы коридорда Мордва, Удмурт, Яһүд, Лезгин һәм Беларус халыкларының милли ашларыннан күргәзмәләр оештырылган иде. Фестивальдә, кунакларсыз булмый. Шуңа хуҗалар Мөрәле, Колаңгы, Борындык, Кече Мәме төп мәктәпләре вәкилләрен, Ульянково авылының “Рябинушка” фольклор ансамблен чакырганнар. Төрле класслар алда аталган милләтләр турында белешмә, аларның җыр биюләрен әзерләгән. Жюри әгъзалары һәр чыгышка бәя биреп, теркәп бардылар. Кунаклар да буш кул белән килмәгән, аерым бер милләт киемнәреннән киенеп, чыгышлар әзерләгәннәр. Фестивальдән тулырак репортажны газетаның киләсе саныннан укый аласыз. 
Мәгълүмат “Кайбыч таңнары” газетасыннан алынды
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгате
Адрес: Большие Кайбицы
Телефон: 8843 702-11-85
Факс: 8843 702-11-85
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International