Кайбычта инвалид бала тәрбияләүче аналарны хөрмәтләделәр
2014 елның 1 декабре, дүшәмбе
-Сез- көчле рухлы аналар,- диде район башлыгы Альберт Рәхмәтуллин бәйрәм белән котлап. –Бу бәйрәмгә чакыруыбызның максаты- сезне өй, тормыш мәшәкатьләреннән азга гына булса да азат итеп, ял иттерү, балаларыгызны тәрбияләүгә куйган көчегез өчен рәхмәт сүзләре белдерү. Бүген сәламәт баланы тәрбияләү дә авыр, ә сезгә икеләтә кыенрак. Шуңа да барыгызга да сабырлык, ныклы сәламәтлек телим. Без сезгә ярдәм кулы сузарга һәрчак әзербез.
Мул табын артында утыручы әниләрне Россия Дәүләт Думасы депутаты Ринат Хәеровның ярдәмчесе Денис Левинсон тәбрикләде. Балалары өчен “Бердәм Россия” партиясе исеменнән төрле газета-журналларга подписка бүләк итте. Ә район башлыгы исеменнән тәм-том тутырылган пакетлар өләштеләр.Бәйрәмнән репортажны газетаның алдагы санында укый аласыз.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз