21 ноябрьдә республиканың Халыклар дуслыгы йортында рус милли-мәдәни берләшмәсенең еллык конференциясенә Татарстанның төрле почмакларыннан 300 дән артык делегат җыелды
Катнашучылар арасында безнең районнан да вәкилләр бар иде: Наталия Челнокова, район бүлекчәсе җитәкчесе, аның урынбасары Оксана Гельянова һәм яшьләр вәкиле Александра Гущина.
Дәүләт Думасы депутаты Илдар Гыйльметдинов белдергәнчә, тиздән Россия Президентыннан Халыклар бердәмлеге елын игълан итүче мөһим документ көтелә. Депутат сүзләренчә, Татарстан милләтара сәясәтне уңышлы тормышка ашыру үрнәге булып тора, ә Татарстан Республикасы Милли-мәдәни оешмаларының эшчәнлеге шундый ук берләшмәләр арасында үрнәк булып тора.
Конференция Бөек Ватан сугышында Җиңүнең 80 еллыгына һәм Ватанны саклаучылар елына багышланган «Безнең геройлар» Бөтенроссия музыкаль марафонында җиңүчеләрнең бәйрәм гала-концерты белән тәмамланды. Чарада барлыгы мең ярымга якын башкаручы катнашты, алар биш йөзгә якын нәфис номер тәкъдим итте.
Кайбыч районы Рус милли мәдәни оешмасы бүлегенә аерым игътибар бирелде, ул рус сәнгатен үстерүгә һәм төбәкнең мәдәни традицияләрен саклауга керткән өлеше өчен диплом алды. «Каенкай» Халык коллективы «На привале»композициясен башкарып, конкурс финалында чыгыш ясаган өчен бүләк алды.
Шулай ук Олы Подберезье авылы ветераннар советы рәисе Екатерина Елисеевага милли мирасны саклау һәм халык мәдәниятен үстерү буенча актив эшчәнлеге өчен бүләкләр тапшырылды.