«Август-Кайбыч» та Казахстан делегациясе булды
Төньяк Казахстанның эре авыл хуҗалыгы предприятиеләре җитәкчеләре: Нукаев Абдурахим («ВОЗВЫШЕНКА СК» ҖЧҖ, 1600 савым сыеры, 30 мең га) һәм Мостафа Гулиев («Приишимский агрофирмасы» ҖЧҖ, 1200 савым сыеры, 100 мең га) тәҗрибә уртаклашу максатында «Август-Кайбыч» агрофирмасында булдылар. «Ульянково» сөт-товар комплексы белән танышу «Август-Агро» ИК генераль директорының терлекчелек буенча урынбасары Наталия Козлова катнашында булды, агрофирманы «Август-Кайбыч» генераль директоры Александр Иванов тәкъдир итте. Кунаклар Татарстанда кунакчыллык һәм гореф-гадәтләрне саклаудан бик нык тәэсирләнделәр. Аларны каршы алган җитәкчеләргә, шулай ук коллективка карата җылы сүзләр күп әйтелде: "Агропроект җитәкчесе Айдар Фоатович белән танышу күңелле булды. Күренеп тора, кеше үз эшен белә һәм заман белән бергә бара. Наталия Юрьевна-бик көчле белгеч, аралашырга вакыт аз булуы кызганыч. Үсемлекчелек-югары дәрәҗәдә, хуҗалык бик яхшы оештырылган. Команданың үз эше өчен җан атуы күренеп тора", - дип билгеләделәр Казахстан коллегалары. Сәфәрнең төп максаты, әлбәттә, «Ульянково»сөт-товар комплексын карау иде. "Бу космос! Фермерның хыялларының чиге. Барысы да бик технологик, пөхтә һәм акыл белән эшләнгән», — дип уртаклаштылар аграрийлар. "Без фермаларда хаталар барлыгын һәм киләчәктә аларны төзәтәчәгебезне аңладык", - дип йомгакладылар агропредприятиеләр җитәкчеләре. Фото һәм материаллар «Август-Агро " ИК ҖЧҖ матбугат хезмәте тарафыннан тәкъдим ителде