Кайбыч районында салым бурычларын киметү буенча системалы эш дәвам итә

2025 елның 24 марты, дүшәмбе

Эш төркеменең чираттагы утырышында район башлыгы Альберт Рәхмәтуллин, район прокуроры И.Н.Осипов, аның ярдәмчесе Линар Вәлиуллин, Федераль салым хезмәтенең Татарстан Республикасы буенча 8 нче районара инспекциясе башлыгы Алексей Путин катнашты. 

Чара барышында салымнар һәм җыемнар буенча бурычлары булган предприятие һәм оешма җитәкчеләренең хисаплары тыңланды. Утырыш нәтиҗәләре буенча кайбер җитәкчеләр үз теләкләре белән 300 мең сумнан артык салым бурычын түләде. 

Салым законнарын үтәү, шул исәптән салымнар буенча бурычларны түләү мәсьәләләре район прокуратурасы контролендә кала.