Татарстан Республикасы дистанцион тикшерүләр оештыру буенча ил төбәкләре рейтингында 1 урынны алды
Рейтинг нәтиҗәләрен федераль Икътисад министрлыгында ясадылар. Бәяләүгә караганда, Татарстан Республикасы 2024 елда барлык контроль-күзәтчелек чараларының 20% обеспеч «Инспектор» мобиль кушымтасы аша уздыруны тәэмин итте, бу исә республиканы дистанцион тикшерүләр, консультацияләр һәм башка чаралар саны буенча илнең барлык төбәкләре арасында 1 урынга чыгарды.
2024 елда Татарстанда 4 меңнән артык контроль-күзәтчелек чарасы уздырылган, шуларның 1,5 меңнән артыгы «Инспектор»мобиль кушымтасын кулланып узган. Татарстан эшмәкәрләре дистанцион консультацияләр, контроль органнарыннан кире элемтә алдылар, онлайн-тикшерүләр үттеләр.
Икенче һәм өченче урыннарны Ростов һәм Чиләбе өлкәләре алды.
«Инспектор» мобиль кушымтасы «контроль (күзәтчелек) эшчәнлеген автоматлаштыру буенча типовой облачное решение» ГИС базасында төзелгән һәм тикшерү уздыру турында акт төзү өчен нигез булып торачак видео-конференц-элемтә файлын саклап калу мөмкинлеге булган дистанцион форматта тикшерүләр үткәрүне күздә тота.
Инструмент күзәтчелек һәм бизнес органнарының үзара уңайлы хезмәттәшлеген булдыруга юнәлдерелгән, бу «кече һәм урта эшмәкәрлек» милли проекты максатларына туры килә һәм бизнесны нәтиҗәле алып бару һәм сыйфатлы үстерү өчен административ киртәләрне бетерүгә юнәлдерелгән.
Икътисад министры урынбасары Гөлназ Исмәгыйлева, кушымтаны кулланып тикшерүләр форматы контроль-күзәтчелек органнарына кирәкле чараларны объектларга чыкмыйча гына үткәрергә мөмкинлек бирә һәм контролерларның да, бизнесның да вакытын экономияли, дип сөйләде. Шулай ук кушымта чыгарылган карарларга шикаять белдерү өчен язмаларны биш ел дәвамында сакларга мөмкин. Республика бизнесы эшнең мондый форматын уңай бәяли.
Республикада мобиль кушымтаны куллану буенча иң яхшы нәтиҗәләрне түбәндәге тикшерү органнары-Дәүләт алкоголь инспекциясе, Дәүләт торак инспекциясе һәм Татарстан Дәүләт төзелеш күзәтчелеге инспекциясе күрсәтте. Алар актив хезмәтләре өчен рәхмәт хатлары алдылар.