Кайбыч районы мәдәният көне

2024 елның 30 сентябре, дүшәмбе

«Татарстанның мәдәни башкаласы» республика конкурсы кысаларында Казанның «Сәйдәш» мәдәни үзәгендә Кайбыч районы мәдәнияте көне узды.
«Сәйдәш» концерт залы каршындагы мәйданчыкта кунакларны район территориясендә яшәүче дүрт милләт вәкилләре — татарлар, руслар, чуашлар һәм керәшеннәр каршы алды. Фольклор ансамбльләренең моңлы җырларына бәйрәм кунаклары да кушылды.
Бәйрәм кысаларында интерактив мәйданчыклар, районыбызда сатыла торган халык һөнәрләре һәм продукцияләре күргәзмә-сату эшләде. Чара кунаклары күргәзмәдә тәкъдим ителгән продукция, мастер-класслар, районның танылган һәм иҗади гаиләләренең шәҗәрәләрен тәкъдир итү белән таныштылар.

Бик зур рәхмәт оештыручыларга һәм катнашучыларга.
Әфәрин!