Ана капиталы кулланганда иргә өлеш бүлеп бирергә кирәкме

Татарстан Росреестрына гражданнардан даими рәвештә ана капиталы акчасына сатып алынган күчемсез милекне сатып алу мәсьәләләре килеп тора. Сезнең игътибарыгызга аларның кайберләренә җаваплар тәкъдим итәбез.

- 18 яшьтән өлкәнрәк бала. Ана капиталын файдаланганда аңа милеккә өлештән баш тарту мөмкинме?

- МСК акчалары-ана (гаилә капиталы) акчалары. Әлеге акчалар барлык балаларга, шул исәптән балигъ булганнарга да кагыла. МСК акчалары кысаларындагы өлештән балигъ булган бала да, ир белән хатынның берсе дә баш тарта алмый. Бу гамәлдәге законнарда каралмаган. Шуңа күрә өлеш бүлеп бирелергә тиеш, ә алга таба аны нотариус аша үзең теләгәнчә кулланырга мөмкин.

- Мөлкәт никахта түгел, ана капиталы кулланып алынган. Өлешләр бирелмәде. Хатын никахлашкан, килешү төзегәндә иренә өлеш бүлеп бирергә кирәкме?

-

«Балалы гаиләләргә дәүләт ярдәменең өстәмә чаралары турында» 2006 елның 29 декабрендәге 256-ФЗ номерлы Федераль законның 10 статьясындагы 4 өлеше нигезендә сертификат алган зат, аның ире (хатыны) ана (гаилә) капиталы акчаларыннан (акчаларның бер өлеше) файдаланып сатып алынган торак бинаны шундый затның, аның хатынының (иренең), балаларның (шул исәптән беренче, икенче, өченче баласының һәм аннан соңгы балаларның) уртак милкенә килешү буенча өлешләр күләмен билгеләү белән рәсмиләштерергә тиеш. Шул рәвешле, килешү буенча өлешләр бүлеп бирелгән вакытка өлеш шул исәптән тормыш иптәшенә дә бүленергә тиеш.