Татарстанда күчемсез милекне рәсмиләштерү өчен онлайн рәвештә 142 меңнән артык мөрәҗәгать килгән

2024 елның 1 июле, дүшәмбе

Мондый мәгълүматларны Татарстан Росреестры агымдагы елның 5 ае йомгаклары буенча китерә һәм документларны электрон рәвештә кабул иткәндә теркәлү вакыты нибары 1-2 көн тәшкил итүенә игътибар итә.

Шулай ук ведомствода хокукларны электрон теркәү өчен көчәйтелгән квалификацияле электрон имза – УКЭП кирәклеген искәрттеләр. Документларны электрон формада Росреестрның рәсми сайты аша (rosreestr.gov.ru)  дәүләт яки муниципаль хезмәтләрнең бердәм порталы аша яки кредит оешмаларының электрон платформалары аша тапшырырга мөмкин.