Татарстан Республикасы халкын татар телендәге элмә такталарда, мәгълүмати табличкаларда, топографик тамгаларда, юл күрсәткечләрендә һәм торак йортларның аншлагларындагы хаталарны ачыклауга җәлеп итү буенча конкурс
Татарстан Республикасы Президентының «Татарстан Республикасында яшәүче халыклар вәкилләренең татар телен һәм туган телләрен саклау, үстерү мәсьәләләре буенча Татарстан Республикасы Президенты каршындагы комиссия турында» 2022 елның 20 маендагы ПУ-356 номерлы Указы нигезендә төзелгән Татарстан Республикасында яшәүче халыклар вәкилләренең татар телен һәм туган телләрен саклау, үстерү мәсьәләләре буенча Татарстан Республикасы Президенты каршындагы Комиссиянең (алга таба - Комиссия) тәкъдимен гамәлгә ашыру максатларында, «Халык контроле» Татарстан Республикасы дәүләт мәгълүмат системасының эшләве буенча ведомствоара комиссия карары белән 2023 елның 1 апреленнән 1 ноябренә кадәр Татарстан Республикасы халкын татар телендәге элмә такталарда, мәгълүмати табличкаларда, топографик тамгаларда, юл күрсәткечләрендә һәм торак йортларның аншлагларындагы хаталарны ачыклауга җәлеп итү буенча конкурс игълан ителә.