2021 елның 14 октябрендә Апас шәһәр тибындагы поселогында “Татарстан Республикасының иң яхшы иҗтимагый тәрбиячесе” ТР Министрлар Кабинеты каршындагы балигъ булмаганнар эшләре һәм аларның хокукларын яклау буенча республика комиссиясе конкурсының зона туры узды. Кайбыч районын «Татарстан Республикасы Кайбыч муниципаль районының А.Е. Кошкин исемендәге Олы Кайбыч урта мәктәбе» МБМУ технология укытучысы Елена Овечкина тәкъдим итте. Ул әлеге конкурс лауреаты булды һәм ТР Премьер-министры урынбасары Ләйлә Фазлыева дипломы белән бүләкләнде.