Теннисчылар Борындыкта үсә

Команда беренчелегендә Борындык төп мәктәбенең яшь теннисчыларына тиңнәр булмады. Алар турнирда беренче урынны яулап, күчмә кубокка ия булды. Икенче урынны Олы Кайбыч урта мәктәбе командасы яулады. Мөрәле командасы өченче урынга чыкты. Шәхси беренчелектә ун кыз ярышты. Үзенең барлык көндәшләреннән өстен чыгып, Федоровское урта мәктәбеннән Полина Григорьева беренче урынны яулады. Икенче урында – Борындык мәктәбеннән Адилә Хөснетдинова, өченче урында Зур Урсактан Исламия Кәримова. Егетләр арасында шәхси беренчелеккә барган ярышта 14 укучы катнашты һәм беренче- икенче урыннарны Борындык мәктәбеннән Сирин Зәйнуллин, Ильмир Шәмсетдинов, өченче урынны Мөрәле мәктәбеннән Наил Тимергалиев алды. Призлы урыннарга чыккан командаларга, шәхси беренчелектә җиңүчеләргә медальләр, төрле дәрәҗәдәге дипломнар тапшырылды.