Социаль өлкәдәге яңалыклар турында төбәк иҗтимагый кабул итү бүлмәсендә экспертлар фикер алышачак
Сүз 2021 елда үз көченә керәчәк үзгәрешләр турында барачак.
22 гыйнварда opriemnaya116 төбәк иҗтимагый кабул итү бүлмәсенең инстаграм-аккаунтында тематик туры эфир узачак, ул 10.00 сәгатьтә да башлана. Эфирны «Бердәм РОССИЯ» Бөтенроссия сәяси партиясенең Татарстан төбәк бүлеге Секретаре урынбасары, ТР Дәүләт Советы Рәисе урынбасары Татьяна Ларионова ачачак.
Эфир барышында пенсия белән тәэмин итү һәм социаль түләүләрне гамәлгә ашырганда яңалыклар турында РФ Пенсия фондының ТР буенча бүлеге идарәчесе урынбасары Елена Полякова сөйләячәк.
ТР Хезмәт, мәшгульлек һәм социаль яклау министры Эльмира Зарипова 3 яшькә кадәрге балаларга өстәмә социаль ярдәм чаралары һәм 3 яшьтән 7 яшькә кадәрге балалар тәрбияләүче гаиләләргә төбәк яшәү минимумын исәпкә алып түләүләр турында хәбәр итәчәк.
Татарстан халкына медик-санитар экспертизаны гамәлгә ашырганда законнардагы үзгәрешләр турында фикер алышу барышында Татарстан Республикасы буенча МСЭ баш бюросының җитәкчесе – баш эксперты Ригель Низамов сөйләячәк.
Турыдан-туры эфирдан соң экспертлар безнең республикада яшәүчеләрне тематик кабул итү үткәрәчәк. Ул 11.00 сәгатьтә башлана.
Тематик кабул итүгә алдан язылу башланды. Мөрәҗәгатьне калдырырга яки өстәмә мәгълүматны 8 843 238 1000 телефоны буенча ачыкларга мөмкин.
Экспертларга сорауларны WhatsApp (8-987-205-00-63), 8-800-201-16-00 телефоны («минем депутат " порталы) һәм электрон почтага калдырырга мөмкин op@tatarstan.er.ru