"Торак иминлеге-уртак эш!"
Салкыннар башлану белән янгын чыгу куркынычы арта гына бара. Бу төзек булмаган хәлдә булган җылылык һәм электр җылыту приборларын куллану белән бәйле.
Кайбыч муниципаль районы буенча «имин торак» дигән чираттагы профилактик рейд узды, анда «Өмет» халыкны социаль тәэмин итү комплекслы үзәгенең гаиләгә һәм балаларга социаль ярдәм бүлеге белгече, Татарстан Республикасы буенча Россия ГТХМ ГПС 8 ПСЧ 8нең 115 янгын часте, Хуҗа Хәсән, Надеждино, Ульяновка һәм Олы Бирәзә авыл җирлекләре вәкилләре катнашты. Рейд барышында шәхси торак һәм ишегалды корылмаларын карап чыгуга зур игътибар бирелә. Бу вакыт эчендә рейдта катнашучылар 130 дан артык шәхси хуҗалыкны йөреп чыкканнар. Гражданнар белән торак йортның янгын куркынычсызлыгы кагыйдәләре турында аңлату эшләре алып барылды.
Торак йорт һәм йорт яны территориясен Яңа ел гирляндалары белән куркынычсыз «бизәү» гә аерым игътибар бирелде. Чыршыны электр, җылылык приборларыннан һәм ачык ут чыганакларыннан (газ плитәсе) ераграк куярга киңәш ителде. Янгын килеп чыкканда һәм ашыгыч хезмәтләрне чакыру кагыйдәләрен аңлаттылар. Йортларда автоматик янгын хәбәрчеләренең төзеклеген тикшерделәр. Белгечләр ата-аналарны балаларның тормышына һәм сәламәтлегенә игътибарлы булырга, балигъ булмаганнарны контрольдә тотуны көчәйтергә, баланың өйдә булуыннан даими хәбәрдар булырга чакырды.
Профилактик рейдлар дәвам итә. Торак пунктлардагы ишегаллары саны артачак.