Анда холдингның Арча, Апас, Алабуга, Буа, Кайбыч, Кама Тамагы, Лаеш, Әгерҗе, Түбән Кама, Тәтеш, Питрәч, Чистай, Чүпрәле районнарындагы, Түбән Новгород өлкәсенең Сергач районындагы агрофирмалары җитәкчеләре, баш зоотехниклар, ветеринария врачлары, “Ак барс”холдинг компаниясе белгечләре катнашты. Семинар-киңәшмәнең практик өлеше “Гөбенә” агрофирмасының Хуҗа Хәсән филиалындагы фермалардагы эшчәнлек белән танышудан башланды. Пленар өлештә эшчәнлеккә тулы анализ ясалды, тармакны тагын да нәтиҗәлерәк итү юллары билгеләнде. Анда “Ак барс” холдинг компаниясе генераль директоры Иван Егоров, район башлыгы Альберт Рәхмәтуллин катнашты.