Район башлыгының коронавирус йогышы белән мөрәҗәгате
Хөрмәтле Кайбыч халкы!Илдә килеп туган вәзгыятькә бөтен җаваплылык белән каравыгызны сорыйм.
Президент игълан иткән мәҗбүри яллар-массакүләм күңел ачу өчен вакыт түгел. Сезгә сәфәрләрне планлаштырмаска, үз-үзеңне изоляцияләү режимына күчәргә һәм җәмәгать урыннарына кермәскә дигән ышаныч белән мөрәҗәгать итәм.
Хәзерге вакытта Кайбыч районында коронавирус инфекциясе белән авыруның бер генә очрагы да теркәлмәгән, чит өлкәләрдән килгән 17 кеше үз-үзеңне изоляцияләү режимында тора. Алар барысы да контрольдә. Гражданинда коронавирус шикләнгән очракта, район хастаханәсе хезмәткәрләре оператив рәвештә реакция белдерергә әзер, барлык гамәлләр алгоритмнары да алар тарафыннан эшләнелгән.
Хроник, түбән иммунитетлы өлкән кешеләр аерым куркыныч астында. Пенсионерларга мөрәҗәгать итәм: урамга чыкмаска тырышыгыз. Азык-төлекне, даруларны китереп җиткерү һәм башка проблемаларны хәл итү өчен 8 (84370)2-15-66 телефонына шалтыратыгыз.
Яшьләргә аерым үтенеч. Бу көннәрдә шәхси аралашудан тыелыгыз, телефон яки интернет аша элемтәләрне саклагыз. Бүген безнең төп бурыч-үз-үзеңне һәм якыннарыбызны яклау.
Кадерле кайбычлылар, профилактиканың игълан ителгән чаралары сезнең тарафтан кабул ителер дип өметләнәм. Бары тик уртак көч белән генә коронавирус таралу куркынычын җиңеп чыга алабыз.