2020 елда Казан шәһәрендә Бәйсез дәүләтләр бердәмлеге илләре уеннары
2019 елның 5-6 июнь көннәрендә Щучинск шәһәрендә (Казахстан Республикасы) узган Совет утырышы барышында 2020 елда Казан шәһәрендә (Россия Федерациясе) БДБ илләренең беренче уеннарын уздыру турында Россия инициативасына теләктәшлек күрсәтү турында Карар кабул ителде.
Уеннар кысаларында комплекслы спорт чарасы, алар Бердәмлектә катнашучы дәүләтләр халыклары арасында традицион дустанә элемтәләрне ныгыту максатыннан үткәрелә. Уеннарны үткәрүнең төп бурычларына яшьләрдә уңай физик һәм әхлакый сыйфатларны үстерү, патриотизм, максатка ирешүгә ихтыяр тәрбияләү, тарихка һәм халык традицияләренә хөрмәт тәрбияләү, сәламәт яшәү рәвешен формалаштыру, шулай ук катнашучы дәүләтләрнең милли спорт төрләрен саклау, аларны халыкара дәрәҗәдә популярлаштыру һәм үстерү керә.
Уеннар 2020 елның 20-27 август көннәрендә Казан шәһәрендә 23 яшькә кадәрге 3 600 дән артык спортчы катнашында 21 спорт төре буенча узачак. Уеннар кысаларында 280 комплект медаль уйнатылачак.
2020 елның 14 февралендә Уеннарның волонтерлык программасының заявка кампаниясе эшли башлады. Әлеге волонтерлык программасы Татарстан Республикасы территориясендә яшәүче халыкларның барлык вәкилләренә дә очрашырга мөмкинлек бирәчәк һәм БДБ илләре халыкларының мәдәни традицияләре һәм гореф-гадәтләре белән алмашуның бердәм мәйданчыгына әвереләчәк. Волонтерлык программасының коммерцияле булмаган партнеры Татарстан халыклары Ассамблеясы булыр дип көтелә.
Катнашу өчен анкета тутырырга һәм сайтка https://volunteers.dspkazan.com/ 2020 елның 30 апреленә кадәр гариза бирергә кирәк.