"Мин Россия гражданины! Мин- Татарстан баласы!»
Бүген Кайбыч районында Галия Кайбицкая исемендәге музейда районның яшь гражданнарына тантаналы рәвештә паспортлар тапшыру чарасы узды. Кайбыч муниципаль районы башкарма комитеты җитәкчесенең социаль мәсьәләләр буенча урынбасары Алия Биккулова яшь буынга паспортлар тапшырды. Бүләкләр белән шулай ук Яшь Гвардия Кайбыч җирле бүлекчәсе җитәкчесе Зөһрә Лотфуллина да килде. «Юнармия» хәрәкәте начальнигы, отставкадагы майор Илһам Хөснетдинов һәм Россия эчке эшләр министрлыгының Кайбыч районы буенча бүлегенең миграция пункты начальнигы Илфир Яруллин Россия Федерациясенең яшь гражданнарына котлау һәм теләкләр әйттеләр.
Паспорт алганнан соң, илнең яшь гражданнары үзләренең укулары, хезмәтләре һәм үз эшләре белән Татарстанның абруен һәм игелекле исемен ныгытырга, лаеклы булырга, Татарстан Республикасының чәчәк атуына ярдәм итәргә ант иттеләр.
Ата-аналар исеменнән район җитәкчелегенә һәм чараны оештыручыларга рәхмәт сүзләре белән Наталья Багавиева чыгыш ясады. Ул балаларга уңышлар һәм Россия Федерациясе гражданины исемен намус белән йөртүләрен теләде.