Кайбычта ведомствоара социаль-тернәкләндерү консилиумының чираттагы утырышы узды

2020 елның 22 гыйнвары, чәршәмбе

      Бүген Совет һәм Башкарма комитетның административ бинасында ведомствоара социаль-тернәкләндерү консилиумының чираттагы утырышы узды. Чарага профилактика субъектлары вәкилләре, балигъ булмаганнар һәм социаль куркыныч хәлдә булган гаиләләр чакырылган иде. Профилактика субъектлары вәкилләреннән тыш, аңа балигъ булмаган балаларның ата-аналары да чакырылган иде. Консилиумның көн тәртибендә: сигнал карталарын карау, Социаль куркыныч хәлдә булган гаиләләрне реабилитацияләүнең индивидуаль программаларын (реабилитация потенциалы дәрәҗәсе динамикасы) тормышка ашыру, коммуналь хезмәтләр өчен бурычларны киметү һәм булдырмау буенча чаралар күрү, эшкә урнашу мәсьәләсе һәм башка мәсьәләләр.