2019 елның 13 апрелендә Чүпрәле районының «Акчарлак» спорт-сәламәтләндерү комплексында Кайбыч, Чүпрәле, Апас, Кама Тамагы, Буа, Тәтеш районнарының җыелма командалары арасында «Бөтендөнья сәламәтлек көне»нә багышланган районара йөзү ярышлары узды.
Безнең районнан әлеге ярышларда балалар-яшүсмерләр спорт мәктәбенең тренер-укытучысы Ленар Сибгатуллин шәкертләре катнашты. Безнең спортчылар уңышлы чыгыш ясадылар һәм грамоталар һәм медальләр белән кайттылар.
Ярыш нәтиҗәләре буенча шәхси зачетта 1 урынны Гөлназ Хәйретдинова, 2 урынны Рәдиф Сөнгатуллин һәм 3 урынны Әдилә Гарифуллина алды. Өчесе дә Олы Кайбыч урта гомуми белем бирү мәктәбе укучылары.
Гомумкоманда зачетында барлык яшь категорияләрендә Кайбыч районының яшь йөзүчеләр командасы өченче урынны алды. Без аларны котлыйбыз!