Хуҗа Хәсән авыл җирлегендә халык җыены узды
16 гыйнвар көнне Хуҗа Хәсән авылында халык җыены булып узды, анда район башлыгы Альберт Рәхмәтуллин, аның урынбасары Рәмис Хәялиев, Хуҗа Хәсән авыл җирлеге башлыгы Светлана Матвеева, "Кубня" Агрофирмасы" директоры Валерий Поляков, район хезмәтләре һәм ведомстволары җитәкчеләре катнашты.
Җыен район башлыгы Альберт Рәхмәтуллин чыгышыннан башланды, ул быел Хуҗа Хәсән авыл мәдәният йортында төзекләндерү планлаштырылуын хәбәр итте. Хәзерге вакытта бина 133 кеше сыйдыра ала, ремонттан соң ул 200 кешене сыйдыра алачак.
Аннары катнашучылар алдында Хуҗа Хәсән авыл җирлегенең 2018 елдагы эш нәтиҗәләре һәм 2019 елга бурычлары турында доклад белән Светлана Матвеева чыгыш ясады. Башкарылган эшләр турында шулай ук Хуҗа Хәсән мәктәбе директоры Надежда Макарова, полициянең участок уполномоченные Александр Куликов, җирле ветераннар Советы рәисе Ольга Боярина, авыл мәдәният йорты методисты Анна Матвеева, прокурор ярдәмчесе Руслан Байбиков чыгыш ясадылар.
Җыелыш ахырында район башлыгы Альберт Рәхмәтуллин очрашуга йомгак ясады. Ул җирлек башлыгы эшен уңай бәяләде. Кыскача районда 2018 елда нинди үзгәрешләр булуы турында сөйләде.
фоторепортаж http://kaybici.tatarstan.ru/rus/yubilyari.htm/photoreport/4729627.htm