Кайбыч картлар һәм инвалидлар интернат-йортына Казан лицеистлары килде

2018 елның 24 декабре, дүшәмбе

          23 декабрьдә Казан федераль университеты каршындагы Лобачевский исемендәге лицей укучылары Кайбыч картлар һәм инвалидлар интернат-йортында булдылар. Балалар интернат-йортында яшәүчеләр өчен бәйрәм концерты оештырдылар.
          Чарада шулай ук район башлыгы Альберт Рәхмәтуллин да катнашты. Ул интернат-йортта яшәүчеләр алдында чыгыш ясады, аларны якынлашып килүче бәйрәм белән котлады һәм аларга бырысына да сәламәтлек һәм иминлек теләде.

           Аннары лицей укучылары тамашачыларны төрле номерлар - биюләр, рус һәм татар телләрендә җырлар, гитарада һәм скрипкада уйнау, хәтта опера ариясен башкару белән дә сөендерделәр.

          Чара ахырында картдар һәм инвалидлар интернат-йортында яшәүчеләргә Татарстан Дәүләт Советы депутаты Илшат Гафуров исеменнән исемле открытка һәм Яңа ел бүләкләре тапшырдылар. Балалар бирегә кабат, яңа программа белән кайтачакларын вәгъдә иттеләр.