Цифрлы телевидение турында
Бүген, 6 декабрьдә, республиканың барлык районнары белән видеоконференция узды. ТР Дәүләт Советы Рәисе Фәрит Мөхәммәтшин үткәргән әлеге конференциядә РФ Федерация Советы һәм РФ элемтә министрлыгы вәкилләре белән берлектә телевидениенең яңа дулкынын кабул итүнең сәяси һәм тормыш зарурлыгына тагын бер кат басым ясалды.
Телетапшыруның башка чыганаклары, аерым алганда, «Триколор» тәлинкәләре һәм «Таттелеком» кабельле телевидение системасы күп кенә кешеләрдә булуын, цифрлы телевидениенең ике пакетын кабул итү өчен шартлар тудыру кирәклеге ассызыклый. Биредә барлык халыкка бу эштә барлыкка килә торган сорауларны аңларга кирәк. Беренчедән, телевизор бөтенләй яңа булса, ул турыдан-туры кабул итәчәк. Әмма эшләтеп җибәрелгән яңа 10 канал өчен «автопоиск» функциясен җибәрергә кирәк. Икенчедән, телевизор иске булса, кибеттә сатыла торган приставка кирәк. Шул ук вакытта җирле дулкынны «эзләү» һәм «автопоиск» аша эзләргә кирәк. Өченчедән, Кошман, Ульянково һәм Турминск ретрансляторлары аша тапшырулар системасы аналоглы булып тора. Конференциядә иске тапшырулар системасы акрынлап сүндереләчәк дип игълан ителде. Бәлки, ул Татарстан Республикасында Яңа Гасыр каналы булмау сәбәпле, ике цифрлы телевидение пакетында да гамәлдә булыр.
Конференция барышында халыкның аз керемле катламнары өчен телеприставкалар сатып алганда субсидияләр каралган проектлар турында әйтелде. Халыкны Яңа телетапшыру турында җиткерү зарурлыгына басым ясалды. Һәм, ниһаять, яңа телетапшыруның башкалардан иң мөһим аермасы – бу ысул түләү таләп итми. Бу бик сыйфатлы, бушлай телевидение.
Әлеге тема буенча кайнар телефон: 8-800-220-20-02 булдырылды.