Кайбыч районында агросәнәгать комплексы оешмалары арасында конкурс узды
Бүген Кайбыч районында агросәнәгать комплексы оешмалары арасында техниканы кышкы саклауга кую һәм машина-трактор паркын техника ремонтлауга әзерләү буенча конкурс узды. Районның авыл хуҗалыгы һәм азык-төлек идарәсе начальнигы Фиргать Басыйров, авыл хуҗалыгы һәм азык-төлек идарәсенең механикалаштыру буенча консультанты Рәфыйк Тимергалиев һәм Дәүләт техник күзәтчелеге инспекциясе начальнигы Рушан Тимершин комиссия составы техниканы кышкы саклауга кую торышын, машина-трактор парклары территорияләрендә тәртипне, АПК оешмаларының авыл хуҗалыгы техникасын ремонтлауга әзерлеген бәяләде.
Конкурс нәтиҗәләре буенча комиссия 70 баллы система буенча авыл хуҗалыгы формированиеләренең әзерлек дәрәҗәсен бәяләде. Нәтиҗәдә: 64 балл белән 1 урынны "Дубрава "агрофирмасы"ның 3 филиалы яулады. Икенче урынны 62 балл белән "Дубрава "агрофирмасы"ның 1 нче һәм 2 нче филиаллары үзара бүлеште.