Өлкәннәр көне уңаеннан татарстанлыларга бушлай юридик ярдәм күрсәтеләчәк

          2018 елның 2 октябрендә Халыкара өлкәннәр көненә багышланган түләүсез юридик ярдәм көне узачак. Консультацияләр бөтен эш көне дәвамында республика районнарында һәм шәһәрләрендә төшке ашка тәнәфессез 8.00 сәгатьтән 15.30 сәгатькә кадәр узачак, дип хәбәр итә Татарстан Республикасы Хезмәт, халыкны эш белән тәэмин итү һәм социаль яклау министрлыгы.

    Чаралар узачак:

- «Бердәм РОССИЯ " партиясе рәисенең региональ иҗтимагый кабул итү бүлмәсендә»;

- "Бердәм РОССИЯ «партиясенең район (шәһәр) бүлекләренең җәмәгатьчелекне кабул итү бүлмәләрендә»;

- Россия юристлары ассоциясенең Татарстан төбәк бүлекчәсе халкына түләүсез юридик ярдәм күрсәтү үзәкләрендә.