Кайбыч районы игенчеләре уракка төштеләр

          Бүген Татарстан Республикасы Кайбыч муниципаль районы игенчеләре бөртекле культуралар җыюга керештеләр. Районда урып-җыюга беренчеләрдән булып "Дубрава" агрофирмасының 2 һәм 3 филиаллары хезмәтчәннәре чыкты.

          Мәлки  кырында көзге бодайны җыюга 6 комбайн чыккан. Бодайны җыярга Александр Поляков, Альберт Лазарев, Леонид Батманов, Иван Данилов, Харис Хәбибуллин, Илдар Шәрәфиев көрештеләр.  Арыслан кырында көзге бодайны җыюга  Ильшат Зиятдиев, Вячеслав Туртыгин, Валерий Савельев, Сергей Шулаев  көреште.

          Гомумән алганда, Кайбыч районы игенчеләренә 26632 гектар мәйданда бөртекле культуралар җыеп алырга кирәк булачак, шул исәптән көзге культуралар –6505 гектар.