Кайбыч муниципаль районы укучылары туган якны өйрәнүгә багышланган фәнни - гамәли конференциядә катнашты

В. Г. Тимирясов исемендәге инновацион технологияләр Институтында укучылар өчен “Тарихи, мәдәни, табигый мирас: сакларга, яңартырга – зыян салмаска” исеме астында туган якны өйрәнүгә багышланган фәнни – гамәли конференция узды.

Конференциядә Кайбыч муниципаль районының “ЭКО” мәктәптән тыш эшләр Үзәгеннең туристлык һәм туган якны өйрәнү буенча берләшмәсе әгъзалары – Федоровское урта мәктәбенең 10 сыйныф укучысы Анна Клишева (җитәкчесе – Т. Клишева), Олы Кайбыч урта мәктәбенең 7 сыйныф укучысы Сардур Зигрин (җитәкчесе – Р. Насыйбуллина) һәм Олы Подберезье урта мәктәбенең 10 сыйныфында белем алучы Анна Каретина (җитәкчесе – Е. Елисеева) катнаштылар. Анна Каретина үзенең “Олы Подберезье авылы тарихы. Тарихи һәм архитектура һәйкәлләре” эше белән уңышлы чыгыш ясап, II дәрәҗә Диплом һәм кыйммәтле бүләк белән бүләкләнде.