"Авыл Денс" хореография коллективы Диплом белән бүләкләнде

4 ноябрь көнне, Халыклар Бердәмлеге көне уңаеннан, Муса Җәлил исемендәге Татар академия дәүләт опера һәм балет театрында “Безнең йортыбыз – Татарстан” республика этномәдәни фестивале узды.

Әлеге чараны Татарстан Республикасы мәдәният Министрлыгы, Татарстан халыклары Ассамблеясе, “Татарстан халыклар дуслыгы йорты” дәүләт бюджет учреждениесе оештырды.

Быел зона турыларында 2000 гә якын кеше катнашты, ә гала-концертта 600гә якын катнашучы үз номерларын күрсәтте.

Фестивальдә шулай ук Кайбыч муниципаль районының “Авыл Денс” хореография коллективы да чыгыш ясады һәм Диплом белән бүләкләнде.