Хуҗа Хәсән урта мәктәбе Покрау бәйрәмен билгеләп узды

Узган атнада Кайбыч районы Хуҗа Хәсән урта мәктәбендә Покрау бәйрәме үтте. Гадәттәгечә, бу бәйрәм сыйныфлар арасында конкурс программасы белән барды. Укучылар бәйрәмгә зур әзерлек белән килгән: аерым бер яшелчә турында сценарий оештырганнар, шигырь, җыр-биюләр, газета, көзге уңыштан сый-нигъмәтләр белән тулы өстәл дә әзерләгән алар. Ә башлангыч сыйныф укучылары бәйрәмнең килеп чыгышы тарихын, уеннарын да күрсәтте. Мондый бәйрәмнәр халкыбызның гореф-гадәтләрен яшь буынга җиткерүдә зур урын алып тора.