Кайбыч районы командасы өченче урынны яулады

23 сентябрь көнне Арча районында Татарстан мәгариф хезмәткәрләренең җәйге спартакиадасы финал ярышлары узды.

Биредә республиканың барлык районнарыннан мөгаллимнәр һәм мәгариф идарәсе җитәкчеләре катнашты. Җәйге спартакиада берничә спорт төре буенча уздырылды: җиңел атлетика эстафетасы, урыннан сикерү, гер күтәрү, пневматик винтовкадан ату, бадминтон, аркан тарту, йөзү, мини-футбол.

Кайбыч районы мәгариф хезмәткәрләре әлеге спартакиадада үз көчләрен сынады һәм "А" төркемендә өченче урынга лаек булды.

Котлыйбыз!